I’j heurt wal us van de grote stille heide
Of van het bronsgreun eikenholt
Ok van die mooie molens
Waor ik zo vulle van hol
Dan van mien mooie Drente
Of de lieflijke Achterhook
Maor veur mien, neet te vergetten
’t mooie Reulsebrook
Waor de zwanen zit de breun
En de kikvöske weer heurt kwaken
En as i’j ’t dan maor wilt
Mooie wandeling kunt maken
Waor de veugeltjes fluit
En de koekoek oes rup
Waor de knientjes rond huppelt
En gauw in zien hölleken krup
Waor de fazant zien eiere leg
En de reeën soms zeet
Waor de jagers in de winter
At en to een heasken scheet
Waor de boeren met liefde
Bewarkt zien eigen grond
Maor ’t toch wal moeilijk hef
Met de ale en de stront
Waor ze ’t grus gaot koelen
En mais en jappels word e’pot
Dan weer gaot oogsten
Umdat mens en dier toch laeven mot
Als i’j dat allemaole zo zeet
En bi’j ow zelf dan denkt
Dan kun i’j gerust zeggen
tis een groot Godsgeschenk
Dit alles is mien dierbaor
ik hol der heel völle van
Mien enigste wens is dan ok
Dat ik der nog lange blieven mag